Службы святым новомученикам воспроизводится по оригинальному изданию Русской Православной Церкви Заграницей

Служба сопровождена подстрочными примечаниями с указанием, какие именно святые поминаются в ее песнопениях. Текст Похвального слова митрополита Анастасия (Грибановского) сверен по изданию: НОВЫЕ МУЧЕНИКИ РОССИЙСКIЕ. Первое собранiе матерiаловъ. Составилъ протопресвитеръ М. Польскiй. Тvпографiя преп. Iwва Почаевскагw. Holy Trinity Monastery, Jordanville, N.Y., 1949 г. Список святых новомучеников, почитаемых Русской Православной Церкви Заграницей, воспроизводится без исправлений (за исключением перевода на современную орфографию) по Свято-Троицкому календарю на 1998 год. Уставные указания к Службе дополнены Марковой главой о праздновании святым новомученикам в Неделю о мытаре и фарисее, о блудном сыне или мясопустную в соответствии с уставными указаниями в Триоди Постной.

Совершается память их в Неделю, ближайшую к 25-му ианнуариа. И аще будет 25-е ианнуариа в понедельник, вторник или среду, поем новомучеником в Неделю, яже есть пред сим, аще ли будет в четверток, пяток или субботу, поем им в Неделю последующую. Аще прилучится 25-е ианнуариа в день недельный [воскресный], поем службу новомучеником в той же день, службу же святому Григорию Богослову в 27-й день ианнуариа купно со службой святителю Иоанну Златоусту. Предваряет тогда служба святителю Григорию. Ведомо буди и сие: служба сия бывает, наченши от 22-го и восходящи до 28-го ианнуариа. И аще прилучится тогда Неделя мытаря и фарисеа, или блуднаго, или мясопустная, поем новомучеником с Триодию непременно, якоже трием святителям по Марковой главе. Аще прилучится в тойже день память великаго святаго, поем святому великому в субботу ближайшую, или в иный день. Аще же будет где в той день храм, поем службу храма с Триодию непременно, святым же новомучеником во грядущую Неделю.
M
Подобает ведати, аще случится память святых новомучеников в Неделю мытареву, или блуднаго, или мясопустную, поем службу их с Триодию сице.
На малей вечерни поем вся, якоже на ряду в службе новомучеником писано есть. На велицей вечерни на Господи, воззвах: стихиры воскресны 3, Триоди 3 и новомучеником 4, Слава, Триоди, И ныне, Богородичен догматик гласа. На стиховне стихиры воскресны, Слава, новомучеником, И ныне, Триоди. По Ныне отпущаеши: Богородице Дево: дважды и тропарь новомучеником единожды. На утрени, на Бог Господь: тропарь воскресен дважды, Слава, новомучеником, И ныне, Богородичен по гласу тропаря новомучеником. По кафисмам, седальны воскресны с Богородичны их. Таже полиелей. И аще поеши святым новомучеником в Неделю блуднаго или мясопустную, ко двум полиелейным псалмам припевается и третий, еже есть На реках Вавилонских: посем Аллилуиа и величание святым новомучеником. Таже поем псалом избранный новомучеников, и тропари Ангельский собор: Ипакои, и седальны новомучеников вси по единожды. Степенна и прокимен гласа. Всякое дыхание: Евангелие воскресно ряду. Воскресение Христово: По 50-м псалме Покаяния отверзи ми двери: Канон воскресен со ирмосом на 4, Богородице из Октоиха на 2, Триоди на 4 и новомучеником на 4. Катавасиа Сушу глубородительную землю: По 3-й песни кондак и икос новомучеником, Слава, седален новомучеником, И ныне, седален Триоди. По 6-й песни кондак и икос Триоди. По 9-й песни светилен воскресен, Слава, новомучеником, И ныне, Триоди. На хвалитех стихиры воскресны 4, новомучеником 4 со славным с припевами их, Слава, Триоди, И ныне, Преблагословенна еси: Перед первым часом стихира евангельская. На литургии блаженна гласа, на 4, и Триоди, песнь 3-я на 4, и новомучеником на 4. По входе тропарь воскресен, новомучеником, кондак воскресен, Слава, кондак новомучеником, И ныне, кондак Триоди. Прокимен, Апостол, аллилуарий, Евангелие и причастен воскресны и новомучеником.
НА МАЛЕЙ ВЕЧЕРНИ,
На Господи, воззвах: стихиры воскресны 4. Слава, новомучеников, глас 8:
Земля Русская небо земное бысть: / в своих разселинах телеса новомучеников и исповедников сокрывши / и тех небесною славою просиявши, / иже своими кровьми оросиша ю, / пострадавше от слуг сатанинских за веру Христову / во искупление грехов богоотступления.
И ныне, Богородичен, гласа малыя вечерни.
На стиховне стихира воскресна едина.
И стихиры новомучеников, глас 1:
О велицыи страстотерпцы новомученицы Российстии, / с любовию припадаем к вам, / и прославляюще ваша подвиги, / благоговейно лобызаем раны ваша, / молите, молимся, о душах наших.
Стих: Разжегл ны еси, / якоже разжизается сребро.
О славнии новомученицы российстии, / егда оскудеваше вера, / укреплясте ю исповеданием вашим, / егда изсякаше любы, / любве ради ко Христу дасте себе на муки и смерть, / егда колебашеся надежда, / утверждасте ю вашим упованием на Бога, / Егоже молите, / да укрепит в нас веру, надежду и любовь.
Стих: Воззваша праведнии / и Господь услыша их.
Не человецы спасают Церковь, / и ничтоже пользует согласие со враги Ея, / но Церковь спасает человеки силою Христовою, / якоже подвиг ваш показа. / О непоколебимии новомученицы Российстии, / воистину есте слава Церкве, / о нейже прилежно молитеся, / да непоколеблему
утвердит Ю Христос.
Слава, глас 2.
О дивное воинство новых страдальцев Российских! / Кто возможет достойно прославити вас! / Воистину блаженна земля, / напившаяся кровьми вашими, / грады же и веси ея тайно освятишася, / восприимше честнии останки ваша, / множицею без пения церковнаго, / такожде же и без погребения честнаго. / Но молитеся, святии, о стране вашей / и о всех чтущих вас.
И ныне, Богородичен, глас тойже.
Кто Тя по достоянию похвалит и ублажит, Отроковице Богоневестная, о еже Тобою бывшем мирови избавлении; благодаряще убо зовем Ти, глаголюще: радуйся, Яже Адама обожившая, и разстоящая совокупившая. Радуйся, просветившая род наш светоносным Воскресением Сына Твоего и Бога нашего: Тя бо христианский род непрестанно ублажает.
По Ныне отпущаеши: и по Отче наш: тропарь воскресен.
Слава, тропарь новомучеников, глас 4:
Цвети Российскаго луга духовнаго / в годину лютых гонений дивно процветшии / новомученицы и исповедницы безчисленнии: / святителие, царственнии страстотерпцы и пастырие, / монаси и мирстии, мужие, жены же и дети, / добрый плод в терпении Христу принесшии, / молитеся Ему, яко насадителю вашему, / да избавит люди Своя от безбожных и злых, / да утверждается же Церковь Русская / кровьми и страдании вашими / во спасение душ наших.
И ныне, Богородичен:
Еже от века утаенное, и ангелом несведомое таинство, Тобою, Богородице, сущим на земли явися: Бог в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.

НА ВЕЛИЦЕЙ ВЕЧЕРНИ,
по кафисме, на Господи, воззвах: стихиры воскресны 4
и новомучеником на 6, глас 1:
Начало ныне положим, о братие, / молением теплым к новым угодником Божиим: / тии бо страшными мучении очищаеми, / рождие плодоносныя лозы Христовы явишася, / сладостию благодати обильно напояемии, / во благоухании святости их нам предлагаемии, / да со умилением назидающеся подвигом их, / принесем Богу и мы плод покаяния.
Начало крещения страшнаго, / имже паки крестися земля Русская, / восхвалите, о горы Киевския, / крестом апостола Андреа благословенныя. / Идеже бо благодать возсия роду нашему / от веры же и Духа во отверзение Царствия Божия, / тамо подобаше начатися и сему обновлению / кровию первозакланнаго от святителей русских, / тезоименнаго просветителю нашему. / Сей бо Владимир новый, / из виноградника своего изведен / за врата священныя Лавры Печерския, / венчания Стефанова сподобляется, / прощая и благословляя убивающих его, / яко кроткий молитвенник о душах наших.
Рыдание, жалость и горе: / се свиток Иезекиилев, насытивый душу твою, / святе Тихоне, Патриарше наш! / Да услышится и ныне глас твой: братие, архипастырие и пастырие, / зовите чада ваша на защиту Церкве православныя. / Да услышат же и разорители храмов Божиих огненное слово твое: / аще еще токмо именем христианским нарицаетеся, / властию нам от Бога данною анафематствуем вас. / О страшнаго отлучения вечнаго! / Се анафема никимже разрешаема! / Се дерзновение патриаршее!
Неблагодарными едини оставленнии, / святе царю наш страстотерпче Николае, / святая царице Александро Новая, / небесных же наследниче отроче Алексие, / царственнии девственницы Ольго, Татиано, Марие и Анастасие, / седмерице святая, многими унижении восход обретшая, / сострадальцы четыре с собою привлекшая, / молитеся с ними Всеблагому Богу, / да прощения сподобит многопрегрешившия люди российския, / умирит же мир и спасет души наша.
Ины стихиры, глас 4:
Кроток, но непоколебим был еси, / Петрова града избранниче, / священномучениче Вениамине, / копронимы новыми обреченный, / лжепастырьми преданный власти богоборней. / Тогда же яви тя Бог учителя безбоязненна, / и се завет твой, из заточения возвещенный: / да не пощадим мы себе Церкве ради / и не предадим Святую Церковь себе ради. / На суде же беззаконнем твое слово бысть всем дивно: / жизнь ли или смерть ныне возвестите ми, / аз же знаменовав себе святым крестом, реку: / слава Тебе, Господи, Боже, о всех.
Жертвы Богу живопогребенныя / в кладезеподобный ров низринутыя: / прежде всех Елисавета страстотерпица, / к горним устремленная княгиня милосердная, / бисер православия в новем Отечестве обретшая, / Евангельски убийцу мужа своего простившая, / молитвою и благотворением Богу угодившая, / безбожными же непощажденная. / Помолитеся за нас святии князие, / помолитеся за всех преподобнии страстотерпицы, / Елисавето с Варварою верною. / Услышите нас, в веси Гефсиманийстей погребенныя, / услышите нас и тии, ихже погребение неведомо. / Услышите нас паки вкупе приятыя во обители Небесныя, / святая осмерице, молите Бога о нас.
Слава, глас 8:
Адамантово мужество ваше / слава есть Церкве Российския, / страстотерпцы и исповедницы новии, / ученицы бо есте Филипповы и Ермогеновы, / приснии же многострадальному Патриарху Тихону, / иже и даде вам имя свое. / Пребысте терпением в бедах, / гоними и убиваеми. / Но кто изочтет и муки, горшия смерти; / обаче явистеся и проповедателие сущим с вами во узах, / просветителие прежденеверующих, / строителие святых таинств. / Велия вера ваша, / во всем явисте себе, яко Божии слуги.
И ныне, догматик гласа.
Вход, прокимен, и чтения 3.
Пророчества Исаиина чтение (глава 43):
Тако глаголет Господь: вси языцы собрашася вкупе, и соберутся князи от них. Кто возвестит сия в них или яже от начала, кто слышана сотворит вам; да приведут свидетели своя, и оправдятся и да услышат, и да рекут истину. Будите Ми свидетели, и Аз свидетель, глаголет Господь Бог, и Отрок егоже избрах, да познаете и веруете Ми, и разумеете, яко Аз есмь: прежде Мене не бысть ин Бог, и по Мне не будет. Аз есмь Бог, и несть разве Мене спасаяй. Аз возвестих, и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляяй. Сотворю и кто отвратит то; сице глаголет Господь Бог, избавляяй вас Святый Израилев.
Премудрости Соломоновы чтение (глава 3):
Праведных души в руце Божией, и не прикоснется их мука. Непщевани быша во очесех безумных умрети, и вменися озлобление исход их. И еже от нас шествие сокрушение, они же суть в мире. Ибо пред лицем человеческим аще и муку приимут, упование их безсмертия исполнено. И вмале наказани бывше, великими благодетельствовани будут, яко Бог искуси я, и обрете их достойны Себе. Яко злато в горниле искуси их, и яко всеплодие жертвенно прият я. И во время посещения их возсияют: и яко искры по стеблию потекут: судят языком, и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему: Яко благодать и милость в преподобных Его, и посещение во избранных Его.
Премудрости Соломоновы чтение (глава 4):
Праведник аще постигнет скончатися, в покои будет. Старость бо честна не многолетна, ниже в числе лет исчитается. Седина же есть мудрость человеком, и возраст старости, житие нескверное, благоугоден Богови быв, возлюблен бысть, и живый посреде грешник преставлен бысть. Восхищен бысть, да не злоба изменит разума его или лесть прельстит душу его. Рачение бо злобы помрачает добрая, и парение похоти пременяет ум незлобив. Скончався вмале, исполни лета долга: угодна бо бе Господеви душа его, сего ради потщася от среды лукавствия. Людие же видевше, и не разумевше, ниже положше в помышлении таковое: яко благодать и милость в преподобных Его, и посещение во избранных Его.
Стихира на литии, глас 8:
Ангели Божии радостнии / призывают, да возрадуемся вси! / Сии бо радующеся и о едином грешнице кающемся, / ликовствуют о множестве новых святых, / о мученицех и исповедницех Церкве Российския, / блистающияся страданьми их: / се Царь, и сущии от дома Его, / Патриарх, иерарси, священницы, монаси / и множество человек всякаго звания, / узами и лишеньми искушеннии, / мученьми же лютыми и многообразными / и смертию, яже введе их в жизнь безконечную. / Сего же ради подвига их / дадеся им благодать молитися за ны, / царское бо суть тии священие, / надежда рода нашего обновления, / возвестители милости Спаса нашего, / призвавшаго их в Свой чудный свет.
Слава, и ныне: Богородичен, глас тойже:
Заступнице усердная, / скорбящих присное радование, / утешительница еси призывающих Тя в час испытания, / Пресвятая Владычице Богородице, / виждь храмы Сына Твоего разоренныя, / воззри на поругание безбожными смиренных служителей Его, / услыши стенания рабов Твоих, / и Сама со страстотерпцы святыми / заступи и помилуй нас.
На стиховне стихиры воскресны.
Слава, глас 6.
О святии смиреннейшие священницы исповедницы, / зрим вас, како в страшную годину гонений / далече от домов ваших сослани бысте. / Зрим вас, гладных, цинготных, вида своего лишенных, / струпиями кровоточащими покровенных, / приставники биемых и сна лишаемых, / плачущих о чадех оставленных / и о матерех их беззащитных. / И кто испишет имена ваша! / Кто поведает миру вся претерпенная вами! / Обаче ведает Бог избранныя Своя, / сохранившия залог, врученный им даже до смерти, / и сего ради дерзновение имущия молитися о нас.
И ныне, Богородичен, глас тойже.
Богородице, безпомощным помоще! / Помози и ныне страждущим людем страны Российския, / в заточении, в муках, или в тяжких обстояниих сущим. / Тебе молимся, молися Владычице / со святыми новомучениками и исповедниками рода нашего, / избавитися от бед многих рабом Твоим.
Тропарь, глас 4: Цвети Российскаго луга духовнаго:
Или сей тропарь, новосоставленный, глас тойже:
Днесь радостно ликует Церковь Русская, / яко мати чада, прославляющи новомученики и исповедники своя: / святители и иереи, / царственныя страстотерпцы, / благоверныя князи и княгини, / преподобныя мужи и жены / и вся православныя христианы, / во дни гонения безбожнаго / жизнь свою за веру во Христа положившия / и кровьми Истину соблюдшия. / Тех предстательством, Долготерпеливе Господи, / страну нашу в Православии сохрани до скончания века.
И ныне, Богородичен, глас тойже: Еже от века утаенное:
НА УТРЕНИ
На Бог Господь: тропарь воскресен [дважды].
Слава, глас 4:
Цвети Российскаго луга духовнаго / в годину лютых гонений дивно процветшии / новомученицы и исповедницы безчисленнии: / святителие, царственнии страстотерпцы и пастырие, / монаси и мирстии, мужие, жены же и дети, / добрый плод в терпении Христу принесшии, / молитеся Ему, яко насадителю вашему, / да избавит люди Своя от безбожных и злых, / да утверждается же Церковь Русская / кровьми и страдании вашими / во спасение душ наших.И ныне: Богородичен, глас тойже:
Еже от века утаенное, и ангелом несведомое таинство, Тобою, Богородице, сущим на земли явися: Бог в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.
Полиелей и величание:
Величаем вас, святии новомученицы и исповедницы Российстии: и чтем честная страдания ваша, яже за Христа претерпели есте.
Псалом избранный: Бог нам прибежище и сила.
Ангельский собор: посем ектения малая и возглас:
Яко благословися имя Твое:
По полиелеи ипакои гласа, таже седален святых, глас 1:
Проидосте сквозе огнь мучения и воду слез, изведе вы Господь в покой святых, новомученицы и исповедницы Российстии, ходатаи воззвания к Богу разумеющим и лобызающим подвиг ваш. Слава Предуведевшему произволение ваше, / слава Предуставившему вас к славе Небесней, слава Подающему нам вами велию милость.
Ин седален, глас тойже.
Яко любящим Бога, вам, о страстотерпцы, вся претерпенная на земли быша во благое. И прешли есте, яко избраннии, к обещанному наследию вечных благ. Слава Давшему вам в тяжких муках крепость, слава Венчавшему вас, слава Действующему вами спасение наше.
Слава, глас 3.
Возсияли есте на тверди церковней, святителие престолов Российских первейших: Тихоне Святейший Патриарше, анафему врагом Креста пламенне изрекий, Владимире святителю Киевский, зрелейший начаток новых плодов сада Русскаго и Вениамине светильниче Петроградский, издетска возжелевый за Христа страдати, еже и бысть. Славятся же с вами и вси страстотерпцы новии. Мы же со умилением вам сице рцем: радуйся, соборе крепкий терпеливый! Будите молитвенницы дерзновеннии о всех молящихся вам.
И ныне, Богородичен, глас тойже:
Красоте девства Твоего, и пресветлой чистоте Твоей, Гавриил удивився, вопияше Ти, Богородице: кую Ти похвалу принесу достойную, что же возименую Тя; недоумеваю и ужасаюся. Темже яко повелен бых, вопию Ти: радуйся, Благодатная.
Таже степенна воскресна, прокимен и Евангелие воскресное.
З р и: Аще храм святым:
Прокимен, глас 4: Тебе ради, Господи, / умерщвляеми есмы весь день.
Стих: Вменихомся яко овцы заколения.
Евангелие от Матфеа, зачало 36-е.
По 50 псалме стихира, глас 6:
Воскресения Христова истиннии свидетели / явишася новии страстотерпцы и исповедницы, / имже праздник сей составихом / како бы тии понесли крест свой, / аще не бы знали, / яко недостоинии суть страдания нынешняго времене, / к хотящей славе явитися в них.
Даже до зде храма святым.

КАНОНЫ:
Воскресный и Богородицы гласа. Аще в Неделю мытареву, или блуднаго, или мясопустную, смотри Маркову главу ианнуариа в 30-й день. Таже новомучеников канон, глас 6:

Песнь 1
Ирмос: Волною морскою скрывшаго древле, гонителя мучителя, под землею скрыша спасенных отроцы: но мы яко отроковицы, Господеви поим, славно бо прославися.
Припев: Святии новомученицы и исповедницы российстии, молите Бога о нас.
Господи Боже мой, помози ми смиренно воспети славу новомучеников и исповедников российских, имже за тяжкия страдания любовию отверзл еси двери небесныя.
Господи Боже наш, славу сию мучеником от века бывшим даровавый, яко мощи их сеются во храмех обновления нашего ради, подаждь славу сию и страстотерпцем новым, аще и неведома суть места погребения их.
Царства земнаго лишенный, Царю же Небесному и в бедствиях своих до конца верный, молися ему, святый царю мучениче Николае , еже не лишитися и нам утешения благодатнаго в бедах наших.
От руки священномученика Владимира древянный посох первопрестольника святителя Петра приемый, взыщи мя, овцу заблудшую, горохищную, о святый патриарше и отче наш Тихоне , обличителю сынов противления.
Богородичен: Во успении Твоем мира не оставила еси, Владычице! Не оставила еси и страну Российскую, но благоволила еси прияти хвалу от новых святых страстотерпцев.

Песнь 3
Ирмос: Тебе на водах повесившаго всю землю неодержимо, тварь видевши на лобнем висима, ужасом многим содрогашеся, несть свят, разве Тебе, Господи, взывающи.
Кую дань слова принесем вам, вернии свидетелие слова, доблии страстотерпцы и пастыре, вменившийся, яко овцы заколения.
Тебе, о Владимире , первосвятителю Церкве Российския, соименне святому просветителю Руси, подобаше предначати славное поприще борения и страданий. Преводиши ты боговенчанный полк страстотерпцев, и да воздается ти первый венец похвалы.
Посреде ополчения добляго зрим и тя, священная главо, первосвятителю града святаго Петра, святителю Вениамине , возлюбленный паствою твоею, якоже Иаковом тезоименитый ти древлий патриарх.
Первый в чине пресвитерстем новомучеников ты явился еси, Иоанне пресвитере , во Америце прежде престолу Божию предстоявый. Яко лютых безбожник в Царском Селе обличителя, венча тя Господь венцем мученическим, якоже и другаго Иоанна восторгоименнаго , в слове и в мужестве пред мучители дивнаго, с ними же, вси священномученицы нови, заступите нас.
Богородичен: Премилосердая Мати, Пречистая Дево, споболевшая Сыну и Спасу Своему, вемы тя Утешительницу чадолюбиву: и оставльшимся во стране Российстей и в разсеянии сущим рабом Твоим.
Ин кондак, новосоставленный, глас 3:
Днесь новомученицы Российстии / в ризах белых предстоят Агнцу Божию / и со Ангелы песнь победную воспевают Богу: / благословение, и слава, и премудрость, / и хвала, и честь, / и сила, и крепость / нашему Богу / во веки веков. Аминь.
Кондак, глас 2.
Новии страстотерпцы Российстии, / исповеднически поприще земное претекшии, / страданьми дерзновение приимшии, / молитеся Христу, вас укрепившему, / да и мы, егда найдет на ны испытания час, / мужества дар Божий восприимем. / Образ бо есте лобызающим подвиг ваш, / яко ни скорбь, ни теснота, ни смерть / от любве Божия разлучити вас не возмогоша.
Икос.
Егда начинахуся дние огненнаго искушения Церкве Российския и не благоволи Господь прияти от нас всесожжения и жертвы, тогда мнози архиереи и священницы не приложишася плоти и крови, но уразумевше волю Господню, сами себе принесоша, яко непорочное заколение. И вслед Первосвященника вечнаго и Ходатая Новаго Завета внидоша сии во святилище с кровию своею, да очистятся грехи людстии. Славни суть имена ваша, мужественнии страстотерпцы, образ бо нам есте, лобызающим подвиг ваш, яко ни скорбь, ни теснота, ни смерть от любве Божия разлучити вас не возмогоша.
Седален, глас 8.
Немощию плоти нам подобострастнии, духом в меру древлих отцев тщалися есте, о непреклоннии священноисповедницы Российстии, иже в разоренную обитель Соловецкую и во иная места заточения ссылаемии. Умножающимся же страданиям вашим, избыточествоваше тайно и утешение от Господа, имже ныне истее утешаетеся, в невечерний день достигше Царствия Христова, в немже не престайте, молим вас, молящеся о спасении душ наших.
Слава, глас 1.
Пресвитер Алексий от рода крестозваннаго , старостию Анне пророчице равный, волею за юна пастыря соузника своего смерть приемлет, яко Евангелия послушатель. Петр же иерей скиптроименный во уста своя от увещаемаго им застреляется. Слава Давшему мнозем священником на безбожники крепость, слава Наставившему и диаконы мученики, слава Дарствующему таковым благодать молитися за ны.
И ныне: Грядущаго предпразднства, глас тойже.
Радуются новомученицы и исповедницы рода нашего, сретающе Господа и Владыку своего, Егоже иногда срете святый старец Симеон, прирекий: ныне отпущаеши раба Твоего, Владыко. Сподоби, Господи, и нам в час исхода от жизни сея временныя прощенным быти и отпущенным с миром, молитвами Пречистыя Владычицы нашея Богородицы и ныне воспеваемых угодников Твоих и всех святых.

Песнь 4
Ирмос: На Кресте Твое Божественное истощание провидя Аввакум, ужасся, вопияше: Ты сильных пресекл еси державу, Блаже, приобщаяся сущим во аде, яко Всесилен.
Оскверненная делы безбожник земля кроплением кровей ваших паки благословляется. Воды же морския и речныя телеса потопляемых святых, яко священие, влагаемое в тыя, восприяша.
Ермогену Московскому тезоимените, светильниче Тобольский священномучениче новый , все житие твое, яко пламень, егоже река Тура никакоже угаси. Потопляем бо возшел еси ко Господу твоему, бием же по устнама до конца немолчно молился еси, молишися же и ныне за ны.
Страшно есть слышимое о мучениих святаго архипастыря Пермскаго Андроника , иже не бояся мук, повеле клятву изрещи на безбожную власть. Святитель же Черниговский Василий со иными посланными от Всероссийскаго Собора уведети о убиении андрониковом, тогда с ними пострада, вкупе же вси Господу предстоят.
Святителя Иосифа древле от разинцев убиеннаго прославивый, архипастырь Митрофан жестоко нощию умерщвляется. Тогда же и соепископ его Леонтий пострада. Тако единем светом Царствия Небеснаго сии трие священномученицы Астраханстии озаришася.
Богородичен: О, коль мнози святыя иконы ныне руками безбожных отъяты от верных, но не исторгнется образ благия Утешительницы из сердец молящихся, свободы лишенных исповедников святыя веры.

Песнь 5
Ирмос: Богоявления Твоего, Христе, к нам милостивно бывшаго, Исаиа свет видев невечерний, из нощи утреневав взываше: воскреснут мертвии, и востанут сущии во гробех, и вси земнороднии возрадуются.
Петре и Кирилле , исповедницы велицыи и непреклоннии, нравом различнии, но едини в вере и твердости духа, аще и сослани бысте, обаче всю правду церковную удержали есте, ныне же, яко наследницы Царства Небеснаго, молите Бога о еже сохранитися и нам в правде сей.
Агафангеле , ангеле Ярославльския церкве, радуйся со други своими. Отложение бо ваше от собратий, в правде церковней не устоявших, радость ангелом бысть. Не восхотели есте покорити себе нечестию: сего ради и изыдосте, на скорбь и лишения, крест свой носяще.
Арсение , великаго Новаграда славо, едине от столпов Собора Всероссийскаго, прискорбна бе привременно душа твоя, в темнице ти сушу, но просия вскоре победно вера твоя, побеждающая вся искушения: и явился еси до конца непреклонен.
Дамаскиново житие да умилит вся чтущия. Како бе и на островех Соловецких, и в Казахстане и во стране Сибирской, восходя к Голгофе своей. Како мразом сибирским томим, при брезе реки неимущему иерею верхнюю рясу свою отдаде. Сам же в стуже зимней на плоту Богу дух предаде, един от тех, ихже мир весь недостоин бе.
Богородичен: Наставнице святителей твердых, Пречистая Дево, настави нас мыслити и глаголати, и деяти точию правая, ревнующе не пожалевшим себе исповедником.

Песнь 6
Ирмос: Ят бысть, но не удержан в персех китовых Иона: Твой бо образ нося, страдавшаго, и погребению давшагося, яко от чертога от зверя изыде: приглашаше же кустодии, хранящии суетная и ложная, милость сию оставили есте.
Едема сладчайшаго наследницы показастеся, новомученицы земли Русския: блажени есте, како от плача вашего утешистеся на небесй: возжадали есте правды, еяже насыщаетеся изобильно в Царствии Небеснем.
Дщери царевы с материю святою в заточении суровем утешение себе от писаний святых отец почерпаху и тако Христу уневестившася. Алексий же отрок, брат их, рукама царя мученика внесен бысть тамо, идеже сии царственнии с четверицею сострадальцев убиени бывше, яко жертвы одушевленнии за род наш Богу предсташа.
Шахта гроб бысть, в ней же Елисавета преподобномученица сконча царственный путь свой с Варварою о Господе сестрою и с прочими шестию . Таможде княгиня страстотерпцу князю Иоанну рану обяза. О святии Алапаевстии мученицы осмочисленнии, уврачуйте ныне раны душ наших.
В страшныя дни сии пострадавшии во стране нашей Российстей угодницы Божии, знаменитии и неведомии, монаси, инокини, мужи и жены со чада, укрепите ны молитвами вашими, еже исправляти нам пути наша пред Господем, поминающе подвиг ваш.
Богородичен: Множицею избавися от бед и зол род наш, молящимся людем пред Твоими, о Богомати, святыми иконами, совокупи и ныне, Владычице, вся моления наша о избавлении от лютейшия беды, предстательством Твоим.
По 6-й песни кондак воскресный и икос его.

СЛОВО ПОХВАЛЬНОЕ
новым священномученикам Русской Церкви
Творение митрополита Анастасия

Какую дань слова принесем вам, верные свидетели Слова, доблестные страстотерпцы и пастыри, вменившиеся яко овцы заколения. Витийствующий язык изнемогает пред величием вашего подвига. Ваши языки подобно множеству отверстых уст, сами вещают о вашем терпении, ваша кровь говорит лучше, чем кровь Авеля (Евр. 12, 24). Вы сами служите нашею похвалою. В вас и через вас мы приносим жертву благодарения Господу, всегда победители нас творящему о Христе Иисусе (2 Кор. 2, 14). Среди великого испытания скорбями мы преизобилуем ради вас радостью (2 Кор. 8, 2) и восклицаем вместе с Златоустом:
“Благословен Бог! и в наш век произросли мученики, и мы удостоились видеть людей, закалаемых за Христа, людей, проливающих святую кровь, которая орошает всю Церковь. Мы удостоились видеть людей, ратующих за благочестие, побеждающих, увенчаваемых… и мы имеем теперь у себя этих венценосцев” (Беседа 3-я на первую книгу Паралипоменон).
Многие хотели бы видеть, что мы видели, и не видели, слышать то, что мы слышали, и не слышали. Нам суждено было быть свидетелями ваших чудных дел, и любви, и служения, и веры и терпения (Апок. 2, 18) и на нас лежит священный долг возвестить о них миру, проповедывать на кровях о том, что мы видели своими очами, что осязали руки наши (1 Иоан. 1, 1).
Но нам не достанет ни времени, ни сил повествовать о новых Сампсонах, Давидах, Гедеонах, Самуилах, об этом чудном воинстве Христовом, которое верою побеждало царства, творило правду (Евр. 11, 32-35) и посрамило древнего врага.
Тебе, первосвятитель древней Киевской церкви, соименный св. Просветителю Руси, подобало предначать славное поприще борьбы и страданий, ты стал предводителем боговенчаннаго полка, и тебе да воздается от нас первый венец хвалы.
Сама Божественная Премудрость предуказала, чтобы на горах Киевских, там, где Апостольскою рукою было утверждено некогда знамение св. Креста, вознесен был на крест преемник апостолов, как один из первых священномучеников наших дней. Крещение Русской Церкви огнем и кровию должно было начаться оттуда, где положен был первый камень в ее основание и где изначала приял водное крещение русский народ.
То были тяжкие и скорбные времена, когда область темная начала усиливаться на Русской земле и когда суд небесный впервые возгремел над домом Божиим (1 Петр. 4, 17). Тогда Господь, уготовляя нас на день испытания, восставил нам пастыря и отца по сердцу нашему, дабы он собрал воедино ратоборцев Христовых и извел их на брань с врагами Церкви. Вместе с другими святителями возрадовался тогда и ты, как друг женихов за глас женихов (Иоан. 3, 29), и по тебе пришедшим не завидел. Будучи всегда готов исполнить всякую правду (Матф. 3, 15), ты повиновался слову Первоиерарха Патриарха Тихона и, оставив священный собор, отошел к твоей пастве, которую уже стали расхищать волки хищные, не щадящие стада. Сыны тьмы не могли стерпеть твоей ревности о Церкви Божией и с оружием в руках, как на разбойника, пришли к тебе под мраком ночи, чтобы взять тебя на заклание. Лестью и коварством они извели тебя из стен древней Лавры, как бы из священного Сиона, и вознесли на уединенное возвышенное место, на эту новую Голгофу. Подобало, чтобы по образу вечного Первосвященника, нося поругание Его, ты вышел и пострадал вне врат (Евр. 13, 12). Там именно и приял ты смерть от жестоких мучителей, пронзивших острием твое тело в то время, как ты простирал к ним благословляющие руки, молясь за своих врагов.
Это место, орошенное твоею кровью, навсегда останется священным алтарем для верующих; и тихий свет лампады немеркнущим светом будет озарять оттуда твой первомученический подвиг, облиставший всю Русскую Церковь. Тебя предпослала она, как начаток исповедников, число коих стало исполняться потом с каждым днем.
“Первый из пострадавших ты — по слову св. Григория Богослова, — стал путем для других”. Одушевленные теми же чувствами устремились за мученическими венцами Ангелы Церквей Пермской, Тобольской, Астраханской и целые сонмы других святителей и иереев Божиих, прошедших сквозь огонь и воду, испытавших поругание и раны, узы и темницу, от них же многие побиени быша, претрени быша, убийством меча умроша, даже пропяты (распяты) быша, не приемше избавления, да лучшее воскресение улучат (Евр. 11, 35-37).
Среди этой доблестной дружины зрим и тебя, священная главо, славный Первостоятель града св. Петра, возлюбленный твоею паствою так же, как тезоименитый тебе древний патриарх своим отцом Иаковом. Младший многих из своих собратий, ты предупредил, однако, их твоим апостольским дерзновением и духовным разумом. Еще в юности ты лобызал пламенеющим сердцем раны первых мученников и скорбел, что не можешь приобщиться к их славному подвигу. Господь узрел твою святую ревность и по исполнении времен послал тебе тот же искус. По его изволению преемники Ирода и на тебя наложили руки, чтобы сделать тебе зло и, задержав, ввергли в темницу (Деян. 12, 4). Напрасно преданная тебе паства волновалась, как море, вздымающее гневные волны. Ни ее угрозы, ни твое незлобие и смирение — ничто не могло исторгнуть тебя из рук нечестивых, повлекших тебя на свое беззаконное судилище. Исполненный веры и силы, кроткий и дерзновенный, как первомученик Стефан, предстал ты перед новым синедрионом. Враги не могли противостоять мудрости и Духу, вещавшему твоими устами, когда ты изобличал их клеветы и выражал радостное желание умереть, как христианин, стражда без правды (1 Петр. 2, 19; 4, 16).
Однако они продолжали противиться истине даже тогда, когда некая жена из их сонма, соревнуя благородной жене Пилата, выступила на твою защиту и стала умолять судий не брать на себя неповинной крови. Древний приговор: “Повинен есть смерти” был произнесен, но не приведен немедленно в исполнение только потому, что паства попрежнему не хотела расстаться со своим пастырем, что дети не хотели уступить палачам своего отца. Несколько дней ты снова должен был томиться в предсмертных муках, искупая, однако оставшееся время для назидания пасомых, ибо для слова Божия нет уз (2 Тим. 2, 9). Уже обреченный в жертву (2 Тим. 4, 6) ты, подобно великому Апостолу языков, писал из темницы последние заветы своим ученикам и сопастырям. Эти бессмертные слова, написанные не столько чернилами, сколько твоею кровию, должны быть увековечены на все времена наряду с посланиями древних мучеников.
“В детстве и отрочестве — писал ты одному из твоих сподвижников-пастырей — я зачитывался житиями святых и восхищался их героизмом, их святым воодушевлением, жалел, что времена не те и не придется переживать то, что они переживали. Времена переменились, открывается возможность терпеть ради Христа от своих и чужих. Трудно, тяжело страдать, но по мере наших страданий избыточествует и утешение от Бога. Трудно переступить этот рубикон, границу и всецело предаться воле Божией. Когда это совершится, тогда человек избыточествует утешением, не чувствует самых тяжких страданий, полный среди страданий радости и внутреннего покоя, он других влечет на страдания, чтобы они переняли то состояние, в котором находится счастливый страдалец. Об этом я ранее говорил другим, но мои страдания не достигали полной меры. Теперь, кажется, пришлось пережить почти все: тюрьму, суд, общественное заплевание, обречение и требование самой смерти под якобы народные аплодисменты, людскую неблагодарность, продажность, непостоянство и т.п., беспокойство и ответственность за судьбы других людей и даже самую Церковь.
Страдания достигли своего апогея, но увеличилось и утешение. Я радостен и покоен, как всегда. Христос наша жизнь, свет и покой. С Ним всегда и везде хорошо. За судьбу Церкви Божией я не боюсь. Веры надо больше, больше ее надо иметь нам, пастырям. Забыть свою самонадеянность, ум, ученость и дать место благодати Божией.
Странны рассуждения некоторых, может быть, и верующих пастырей (разумею Платонова) — надо хранить живые силы, т.е. их ради поступиться всем. Тогда Христос на что? Не Платоновы, Вениамины, и т.п. спасают Церковь, а Христос. Та точка, на которую они пытаются стать, погибель для Церкви. Надо себя не жалеть для Церкви, а не Церковью жертвовать ради себя. Теперь время суда. Люди и ради политических убеждений жертвуют всем. Посмотрите, как держат себя эсэры и другие. Нам ли, христианам, да еще и иереям, не проявить подобного мужества даже до смерти, если есть сколько-нибудь веры во Христа, в жизнь будущего века?!”
Сколько возвышенной силы в этих кротких и смиренных словах, запечатленных твоею смертию!
Радостный, ты шел на крест, отвергнув последнее искушение “пожалеть себя для Церкви”.
По завету Св. Апостолов ты не захотел высокомудрствовать о себе и предпочел душу свою положить за Церковь вместо того, чтобы уклоняться в словеса лукавствия и ставить немощное человеческое выше силы и мудрости Божией.
И так как ты до конца прошел по стопам Подвигоположника, Он за верность и кротость освятил и возвеличил тебя (Спр. 15, 14), покорив под ноги твои самых врагов Церкви, вынужденных потом исповедывать перед людьми твои неповинные страдания и поклониться им.
Так исполнилось желание твоего сердца: ты обрел и жребий, и венец страстотерпцев Христовых и смертию купил себе вечную жизнь.
Так же поступили и многие другие архиереи и священники Бога Вышнего, призванные пострадать за свидетельство, которое они имели (Апок. 6, 9) .
Когда начались дни огненного испытания для Церкви, и Господь не восхотел принять от нас всесожжения и жертвы, они не стали советоваться с плотию и кровию, но, уразумевши Его волю, сами принесли себя в непорочное заколение (Евр. 10, 6-9). Вслед за Вечным Первосвященником и Ходатаем Нового Завета они вошли во святилище со своею кровию, да очистятся грехи людские (Евр. 9, 12-15), ибо без пролития крови не бывает прощения (22). Среди искушений и мук эти истинные пастыри не оставили первую любовь свою (Апок. 2, 4), воспламенившую некогда их сердце желанием священства, и сохранили даже до последнего издыхания целым и невредимым залог, врученный им при рукоположении.
Славны ваши имена, мужественные страстотерпцы, которых ни жизнь, ни смерть, ни настоящее, ни грядущее, ни высота суетных отличий, ни глубина уничижения — ничто не могло отлучить от любви Божией во Христе Иисусе (Рим. 8, 38-39).
Ваш пример показал воочию, что “можно убить, но не победить священника Божия, держащегося Евангелия и сохраняющего заповеди Божий”, как вещает один из древних священномучеников.
Не с нынешнего дня начались испытания Церкви. Еще св. Василий Великий писал о своем плачевном времени: “Нас постигло гонение самое тяжкое. Ибо гонят пастырей, чтобы рассеялось стадо. Одна ныне вина, за которую жестоко наказывали, — точное соблюдение отеческих преданий. За это благочестивых изгоняют из отечества и переселяют в пустыни. Неправедные судии не уважают ни седины, ни подвигов благочестия, ни жизни, ни юности, ни старости, проведенной по Евангелию. Но тогда как ни одного злодея не осуждают без обличения, епископов берут по одной клевете и предают наказанию без всякого доказательства возносимых на них обвинений; иные из них не знали обвинителей, не видели судилищ, даже не были сперва оклеветаны, но безвременно ночью похищены насильственно, сосланы в отдаленные страны, и зло страданиями, какие должны были терпеть в пустыне, доведены до смерти. Глас плачущих слышен в городе, слышен в селах, по дорогам в пустынях. Одна у всех жалостная речь, потому что все говорят о достоплачевном. Похищены радость и духовное веселие. В плач обратились наши праздники, дома молитвенные затворены, на алтарях не совершается духовного служения” (Письмо к Италийским и Галльским епископам).
Все эти бедствия, изображенные великим Отцом Церкви, пришли на вас седьмерицею, ибо никогда столп злобы богопротивной не поднимался так высоко, никогда еще человеческая жестокость не была столь изобретательной и беспощадной.
Теперь самый плач о невинно убиенных считается уже преступлением и потому не смеет раздаваться открыто.
Весь ум, все завоевания науки нашего просвещенного времени, кажется, обращены, прежде всего, на то, чтобы причинить возможно больше страданий людям, С давних пор известны истязания огнем, голодом и холодом, железом, бичами и скорпионами, цепями, темницами. Современное искусство к ним присоединило, целый ряд новых изощренных телесных мучений и, кроме того, утонченные нравственные пытки, которых не знал еще грубый век Нерона и Диоклитиана. Вы понесли на себе все эти болезни и раны, после которых самая смерть могла, иногда, казаться благодеянием. Вместе с всемирным проповедником Павлом вы должны были терпеть беды не только от врагов, но и от сродник и от лжебратий, корчемствующих истиною, возлюбивших мзду Валаамову, предавших своих сослужителей слугам антихриста и облекшихся, вместе с Иудою, в клятву, как в ризу (Псал. 108, 18).
Об них издревле изрек Дух Святый: Ты носишь имя, будто жив, но ты мертв (Апок. 3, 1).
Облекшись в броню правды и преподобие истины, вы были живым обличением для всех, поклонившихся зверю. Сего ради возненавидел вас мир. Но вы победили последний силою лучшею, показавши себя почти бесплотными во плоти.
Все знают, что нет ничего на земле дороже жизни. Все отдает человек взамен души своей; чтобы выкупить жизнь, он готов пожертвовать славой, богатством, самыми нежными родственными привязанностями, дружбой, даже честью и совестью. Самый гордый и независимый из людей падет к ногам своего палача, будет целовать его окровавленные руки, подобострастно заглядывать ему в глаза, желая прочитать там свое помилование. Никогда человек не бывает более жалок, как в то время, когда он судорожно хватается за ускользающую от него нить жизни, жертвуя для нее вечными ценностями, и никогда не бывает так велик, как если он торжествует духом над немощью плоти и презирает все земные соблазны, ради нетленного блаженства. В этом красота мученичества, высоко почитавшегося во все времена и у всех народов.
Особенно ярко светит этот подвиг в наши сумрачные и малодушные дни, когда за умножение беззаконий оскудела вера, охладела любовь, колеблется надежда, когда немощи отдельных людей вменяются в вину самой Церкви, как будто она уже истощила свою прежнюю силу. Ваше адамантово мужество оправдало Церковь пред лицом мира. Благодать Божия, преизобиловавшая там, где умножился грех, снова избрала безумное мира, чтобы посрамить мудрых, и немощное мира, чтобы посрамить сильное (Рим. 5, 20; 1 Кор. 1, 27). Вы были в отчаянных обстоятельствах, но не отчаивались; низлагаемые не погибали. Во всем вы явили себя, как служители Божий в великом терпении, бедствиях, нуждах тесных обстоятельствах, под ударами, в темницах (2 Кор. 4, 8-9; 6, 4-5), Вы воскресили перед нами образы св. Игнатия, Поликарпа, Златоуста и многих других исповедников и священномучеников, украсивших лучшие времена христианства. Ваша доблесть озарила новою славою Русскую Церковь, возрастившую в вас сподвижников Филиппа и Гермогена и начало вождей целого сонма других мучеников, разных званий и возрастов, принесенных ею в жертву Богу.
За то, что она явила новых страстотерпцев, ее имя возвещается ныне во всем мире. Вместе с нею и вся Вселенская Церковь пожинает плоды вашей победы и если, по словам св. Киприана, у нее нет недостатка ни в лилиях, ни в розах (письмо к мученикам и исповедникам), то, убелив ее одежды своими кровьми, вы достойны наименоваться теми и другими. Вы соединили небо с землею в общей радости, ибо вместе с воинствующею, о вас веселится и Церковь торжествующая, к которой вы приобщились ныне. Не вам ли, убиенным за слово Божие, даны там белые одежды и сказано, чтобы вы успокоились на малое время, пока ваши сотрудники и братия исполнят число (Апок. 6, 9-11).
“Восхищаясь воспоминаниями о вас, мы, подобно Свят. Григорию, делаемся от удовольствия как бы вдохновенными, некоторым образом соучаствуем в вашем мученичестве, приобщаемся вашему подвигу”.
Да будет же память ваша во благословениях, да процветут кости ваши от места своего (Сир. 45, 13, 14). Народы будут рассказывать о вашем мужестве и мудрости, а Церковь не перестанет возвещать вам хвалу (44, 14), восклицая: “радуйся, собор крепкий и терпеливый, победительное ополчение, царственное священство, столпы благочестия, священнодействовавшие сами себе мучением, коих смерть явилась последним совершительным таинством. Через вас прославляется Христос, Иже вчера, днесь. Той же и во веки” (Евр.13, 8).

Песнь 7
Ирмос: Неизреченное чудо, в пещи избавивый преподобныя отроки из пламене, во гробе мертв бездыханен полагается, во спасение нас поющих: Избавителю Боже, благословен еси.
Страданьми вашими Церковь Русская славится, мученицы новии, сродницы наши чина и сословия всякаго, за Христа от безбожных убиеннии, во спасение нас поющих: Избавителю Боже, благословен еси.
Оружие крест и щит веру во Христа, страдания же и смерть прияли есте, во спасение нас поющих: Избавителю Боже, благословен еси.
Злобу слуг сатанинских, сожженную совесть имущих, обличи сожигаемый сими святитель Иоанн Рижский , такожде и повешеннии: святитель Воронежский Тихон , и пресвитер Симферопольский Алексий и прочие зверонравне умученнии. Тебе же, о Господи, сии в Царстве Твоем светлем взывают: Избавителю Боже, благословен еси.
Страстотерпцы младенцы убиенныя, яко птицы чистыя в гнезда небесныя приемлет Господь, непрестанно в раи воспевающия: Избавителю Боже, благословен еси.
Богородичен: Избавительнице людей Твоих присная, умоли Сына и Бога Твоего паки избавити дом Твой от лютейшия всех прежде бывших беды, да со умилением возглаголем Ему, спасеннии Тобою: Избавителю Боже, благословен еси.

Песнь 8
Ирмос: Ужаснися бояйся небо, и да подвижатся основания земли: се бо в мертвецех вменяется в вышних Живый, и во гроб мал странноприемлется. Егоже отроцы благословите, священницы воспойте, людие превозносите во вся веки.
Испрасте ризы ваша кровьми своими, убелисте же их кровию Агнца, за человеки закланнаго, Егоже отроцы благословите, священницы воспойте, людие превозносите во вся веки.
Ублажим святителя Иосифа Петроградскаго , непорочности Церкве тайныя ревнителя, в прогнании ложе свое между свиниями нечистыми имевшаго, и слышим его нам в слух сердца глаголюща: страданьми своими и верностию превозносите Христа во вся веки.
Славны и в житии и в кончине своей святители Серафим Угличский и Максим Серпуховский , он же и врач, на тайное епископство благословенный. Многотрудно есть служение Церкве гонимыя, егоже и совершивше сии, предсташа Христу Богу, моляще его о стаде своем, славяще же Его присно во веки.
Небесныя хвалы личе неусыпный, новомученицы добропобеднии земли Русския, ныне присно причащаетеся Агнца присноживотнаго, за Негоже от безбожных убиени бысте, Егоже отроцы благословите, священницы воспойте, людие превозносите во вся веки.
Богородичен: Пресвятая Владычице, спаси, свободи и поныне страждушия рабы Твоя, даруй им терпение и крепость. В Тебе полагаем надежду всю, блажим Тя присно и превозносим Сына Твоего и Бога во веки.

Песнь 9
Ирмос: Не рыдай мене, Мати, зрящи во гробе, Егоже во чреве без Семене зачала еси Сына: востану бо и прославлюся и вознесу со славою, непрестанно яко Бог, верою и любовию Тя величающия.
О новии страстотерпцы, иже подвиг противу злобы безбожных подъяша, веру Христову яко щит пред учении мира сего держаще и нам образ терпения и злострадания достойно являюще.
О твердости и мужества полка мученик Христовых, за Христа убиенных! Тии Церковь православную украсиша и в стране своей крови своя, яко семя веры, даша. Купно со всеми святыми достойно да почтутся.
Слышим вси, како чудная Лидия , в страданиих, аще и плачущи, твердая, на сострадание Кирилла подвиже, иже и бысть ей щит, меч же мучителем зверствовавшим. И спасе Христос Кирилла купелию крове его. Сия поведавый Церкви Алексий и сам пострада. Молитвами сих триех, Боже, помилуй нас.
О святии, ихже зде помянухом, и множайшее множество неведомых! Простите убожество словес сих, да напишутся еще похвалы, вам подобающия. Исчислити вас невозможно есть. Всех же молитвами, да приимут чтущия вас от Господа и Владыки живота нашего благодать и велию милость.
Богородичеи: О Всепетая Мати! Аще и разорися от злых великая церковь Твоя Печерская, в ней же священномученик Владимир приблизившуся дни убиения его, со многим умилением акафист чтый, Тебе моляшеся, но не оскудеет во век к людем кающимся милость Твоя. Радуйся, Обрадованная, во Успении Твоем нас не оставляющая!
Светилен:
Вельми светел явися нам подвиг ваш, святии новомученицы и исповедницы во дни сия, малодушием омраченныя, оскуде бо вера за умножение беззаконий наших, охладе любы, поколебася надежда, доблесть же ваша озари славою новою Русскую Церковь.
На хвалитех стихиры воскресны Октоиха,
таже святых новомучеников, глас 6.
Подобен: Все отложше:
Слыша страшну весть / о гонениих, на Церковь Божию воздвигнутых, / Всероссийский наш Собор, священный и великий, / во едину мысль соборну вся совокупи / и моления устави о гонимых / и о убиенных исповедницех и мученицех / в день святителя Владимира страдания и смерти. / Мудрствуяй сей день со Церковию мудрствует: / дние преставления отшедших к Богу в муках / деньми рождества их наречени быша. / Сего ради совершаем праздник сей, / яко рождество Российских новых страстотерпцев.
Первоубиеннии за Веру и Церковь, / первии по имени поминовеннии Святейшим Патриархом: / о святителю Владимире, Печерский агнче, / и пресвитеры старейшии сии: / Иоанне , Петре же Иосифе и Павле, / препопобномученицы же Гервасие, Герасиме, / паки же священномученицы Павле, Петре и Феодоре, / Михаиле, и Владимире и Константине, / диаконе Иоанне, послушниче Антоние и смотрителю Иоанне / со многим множеством священных, и монахов, и мирских, / ихже имена вся весть Господь, молите Его о еже спастися нам.
Стих: Блажен муж бояйся Господа, в заповедех Его восхощет зело.
Вкупе со святым царем на всяк день оскорбляеми, / о святии царице страстотерпице и девы царственнии, / отроче же царственный святый / и послужившии вам сострадальцы вернии, / нощию неправедне вси убиени бысте, / таже, яко жертвы правды всесожжени / ходатаи есте о нас, яко кадило Богу благовонное. / С вами же и во другий день в страшных муах живопогребеннии / со княгинею святою и другинею ея. / Ныне же всех спострадавших предваряя, о царю Николае, / рода нашего святый печальниче, / яко новый Иов, Господа моли простити всех.
Стих: Священницы Твои облекутся в правду, и преподобнии Твои возрадуются.
Глас 8.
Отрекошася просити милости / осужденнии от безбожник священницы Божии / ихже благослови святый Патриарх, / на муки и на смерть за Христа. / Егда же воутрие ведоми быша на казнь, / не ведяху стражие, / како сретшия их верныя отгонити. / Лобызаху бо людие обреченным смертником / и священныя руце их и одежды край, / онем победно поющим: / Христос воскресе из мертвых, / смертию смерть поправ. / Господи молитвами священномучеников сих помилуй нас.
Слава: Стихира Евангельская [или Триоди].
Зри: Аще храм новомучеников, Слава: стихира святых,
глас 1: Не человецы спасают Церковь: [на малей вечерни].
И ныне: Богородичен, глас 2: Преблагословенна еси, Богородице Дево:

НА ЛИТУРГИИ:
Блаженны гласа на 6 и святых новомучеников на 4:
Помяни Господи, страшная мучения, имиже о Тебе пострадаша страстотерпцы новии, от рода нашего ныне прозябшии, и приими моления их о спасении нашем.
Отверзл еси, Судие праведный, Царство Небесное исповедником Церкве Российския. Услыши, Господи, правду их, вонми молению их о спасении душ наших.
Слава: О Троице Пребожественная! Возврати пленение наше. Вемы, яко умножися якоже николиже прежде грех в стране нашей, но возсия и благодать в подвизе новых святых, иже и молят Тя, Трисвятый Боже, о спасении душ наших.
И ныне: Расточенныя собери, малодушныя возстави, отрекшияся же от святыя веры призови и обрати, о Благодатная и Пречистая Дево Марие, со святыми новомученики и исповедники Христа Спаса умоляющи / о прощении и спасении душ наших.
По входе тропари по уставу святых, имущих бдение, прилучившихся в неделю. Аще же Триодь, смотри Маркову главу ианнуариа 30-й день.
Прокимен гласа [или по Триоди] и святых, глас 7-й:
Тебе ради Господи, умерщвляеми есмы весь день.
Апостол рядовый и святых к Римлянам зачало 99.
Аллилуиа гласа и святых глас 4:
Воззваша праведнии и Господь услыша их и от всех скорбей избави их.
Евангелие рядовое и святых от Луки зачало 106.
Причастен: Хвалите Господа с небес:
И святых: Радуйтеся праведнии о Господе:
На молебном пении тойже прокимен: Тебе ради Господи: но глас 4-й: [смотри стих на утрени]. Евангелие от Матфеа зач. 36-е.

МОЛИТВА СВЯТЫМ НОВОМУЧЕНИКОМ
И ИСПОВЕДНИКОМ РОССИЙСКИМ
Святии новомученицы и исповедницы Церкве Российския, услышите усердную мольбу нашу! Вемы, яко неции от вас, еще отроцы суще, послушающе о древлих страстотерпцех, в сердце своим помыслиша, колико прелюбезно и доброхвально есть таковым подражати, ихже ни муки, ни смерть не разлучиша от любве Божия. Благо же вам, яко последовали есте вере и терпению тех, о нихже слышасте и ихже возлюбисте. А понеже на всякое время возможно есть наити на ны испытанием нечаянным, испросите от Господа нам мужества дар, иже толико благопотребен есть в житии человечестем. Вся концы отечества нашего страданьми своими освятившии, яко общия за вся ны молитвенницы, умолите Бога избавити отечество наше от ига, ужаснейшаго паче всякаго иного. И да отпустится нам и всему роду нашему грех, на народе Российском тяготеющий: убиение царя, помазанника Божия, святителей же и пастырей с паствою, и страдания исповедников, и осквернение святынь наших. Да упразднятся расколы в Церкви нашей, да будут вси едино, и да изведет Господь на жатву делатели Своя, сиесть да не оскудевает Церковь пастырьми добрыми, иже имуть просвещати светом истинныя веры столь великое множество людей, вере ненаученных, или от веры отвратившихся. Недостойни есмы милости Божия, обаче страданий ради ваших Христос Бог наш да ущедрит и помилует всех нас, в помощь вас призывающих. Мы же Ему, Спасителю нашему, со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.

ИНАЯ МОЛИТВА,
НОВОСОСТАВЛЕННАЯ
О святии новомученицы и исповедницы Российстии: святителие и пастырие Церкве Христовы, царственнии страстотерпцы, благовернии князие и княгини, доблии воини, монаси и мирстии, благочестивии мужие и жены, во всяцем возрасте и сословии за Христа пострадавшии, верность Ему даже до смерти свидетельствовавшии и венец жизни от Него приявшии!
Вы во дни гонения лютаго, землю нашу от безбожных постигшаго, на судищах, в заточениих и пропастех земных, в горьких работах и всяких скорбных обстояниих образ терпения и непостыднаго упования мужественне явили есте. Ныне же, в раи сладости наслаждающеся, пред Престолом Божиим во славе предстоите и присно хвалу и ходатайство со Ангелы и всеми святыми Триединому Богу возносите.
Сего ради мы, недостойнии, молим вас, святии сродницы наши: не забудите земнаго отечества вашего, грехом Каинова братоубийства, поруганием святынь, безбожием и нашими беззаконии отягченнаго. Умолите Господа сил, да утвердит Церковь Свою непоколебиму в мире сем многомятежном и лукавом; да возродит в земле нашей дух разума и благочестия, дух святости и страха Божия, дух братолюбия и мира: да паки будем мы царское священие, род Божий, избранный и святый, присно с вами славящий Отца и Сына и Святаго Духа во веки веков. Аминь.

http://kazan.eparhia.ru/library/molitvoslovie/servises/servis/